ડીસામાં સ્વચ્છતા માટે સૌનું શ્રમદાન: નગરપાલિકા પ્રમુખ કૌશિકભાઈ સાધુ અને ચીફ ઓફિસર જોડાયા
‘સ્વચ્છતા હી સેવા–૨૦૨૬’ અંતર્ગત જિલ્લા કક્ષાનો કાર્યક્રમ; ‘એક દિવસ, એક કલાક, એક સાથે’ સ્વચ્છતાનો સંદેશ
ડીસા ખાતે ‘સ્વચ્છતા હી સેવા–૨૦૨૬’ અભિયાન અંતર્ગત જિલ્લા કક્ષાનો ‘શ્રમદાન દિવસ’ કાર્યક્રમ યોજાયો હતો. ડીસા નગરપાલિકા પ્રમુખ શ્રી કૌશિકભાઈ સાધુના અધ્યક્ષસ્થાને અને ચીફ ઓફિસરની ઉપસ્થિતિમાં યોજાયેલા આ કાર્યક્રમમાં સૌએ સાથે મળીને સ્વચ્છતા કામગીરી હાથ ધરી હતી.
‘એક દિવસ, એક કલાક, એક સાથે’ રાષ્ટ્રવ્યાપી શ્રમદાનના સંકલ્પ સાથે સહભાગીઓએ સ્વચ્છતા પ્રત્યેની સામૂહિક જવાબદારીનો સંદેશ આપ્યો હતો. સ્વચ્છતા માત્ર સરકારી તંત્રની કામગીરી પૂરતી મર્યાદિત ન રહે, પરંતુ દરેક નાગરિકની સહભાગિતા અને જવાબદારી બને તે માટે અપીલ કરવામાં આવી હતી.
કાર્યક્રમ દરમિયાન સ્વચ્છતા કોઈ પ્રસંગ પૂરતી પ્રવૃત્તિ કે માત્ર એક દિવસનું કામ ન બની રહે, પરંતુ દરેક નાગરિકના સ્વભાવ અને સંસ્કારનો ભાગ બને તે બાબત પર ભાર મૂકાયો હતો. લોકોમાં સ્વચ્છતા અંગે સતત જાગૃતિ વધે અને રોજિંદા જીવનમાં સ્વચ્છતાની આદત વિકસે તે આ અભિયાનનો મુખ્ય આશય હોવાનું જણાવાયું હતું.
નાગરિકોને પોતાના આસપાસના વિસ્તારોમાં સ્વચ્છતા જાળવવા, અન્ય લોકોને પણ પ્રેરિત કરવા અને સ્વચ્છતા અંગેની જનજાગૃતિને વધુ વ્યાપક બનાવવા સતત સહભાગી બનવા અનુરોધ કરવામાં આવ્યો હતો.
CENTRAL BHARAT NEWS |CBN LIVE MEDIA
હજુ કોઈ કોમેન્ટ નથી. પ્રથમ કોમેન્ટ કરો.