ડીસાના નગરપાલિકા ના પ્રમુખ કૌશિકભાઈ સાધુના નેતૃત્વમાં થયેલી કામગીરીની પ્રશંસા; વેપારીઓના જણાવ્યા મુજબ 50 વર્ષ પછી વિસ્તારમાં નવો રોડ મળ્યો
ડીસા: શહેરના લાલચાલી રોડ વિસ્તારમાં નવો રોડ બનતાં સ્થાનિક વેપારીઓ અને રહેવાસીઓમાં ખુશીનો માહોલ જોવા મળ્યો છે. કૌશિકભાઈ સાધુના નેતૃત્વમાં નગરપાલિકા દ્વારા કરવામાં આવેલી રોડની કામગીરીને વિસ્તારના વેપારી મંડળોએ વધાવી છે.
વેપારી મંડળોના જણાવ્યા મુજબ, લાલચાલી વિસ્તારમાં 50 વર્ષ પછી તેમને નવો રોડ મળ્યો છે. લાંબા સમય બાદ રોડનું નવીનીકરણ થતાં વેપારીઓએ સંતોષ વ્યક્ત કર્યો હતો અને નગરપાલિકાની કામગીરીની ભરપૂર પ્રશંસા કરી હતી.
વેપારીઓએ જણાવ્યું કે કૌશિકભાઈ સાધુના નેતૃત્વમાં સારી કામગીરી થઈ રહી છે. લાલચાલી વિસ્તારમાં બનેલા નવા રોડને તેમણે આવકાર્યો હતો અને આ કામગીરી બદલ નગરપાલિકાને બિરદાવી હતી.
રોડ તૈયાર થતાં વિસ્તારના વેપારીઓ સહિત સ્થાનિક લોકોના ચહેરા પર ખુશી જોવા મળી હતી. વેપારી મંડળોએ રોડની કામગીરી અંગે સકારાત્મક પ્રતિભાવ આપ્યો હતો.
હજુ કોઈ કોમેન્ટ નથી. પ્રથમ કોમેન્ટ કરો.