ડીસા શહેરના પશુ બજાર વિસ્તારમાં આવેલી જલારામ મોબાઈલ નામની દુકાનમાં શોર્ટ સર્કિટના કારણે આગ લાગી હતી. ઘટનાને પગલે આસપાસના લોકોમાં ચિંતા ફેલાઈ હતી. દુકાન માલિકની સતર્કતા અને ફાયર વિભાગની સમયસર કાર્યવાહીથી મોટી દુર્ઘટના ટળી હતી.
માલિકે અગ્નિશામક યંત્રોથી આગ બુઝાવવાનો પ્રયાસ કર્યો
આગ લાગી ત્યારે દુકાનના માલિક પવનભાઈ ઠક્કર ત્યાં હાજર હતા. તેમણે તાત્કાલિક આસપાસથી અગ્નિશામક યંત્રો મેળવી આગ પર કાબૂ મેળવવાનો પ્રયાસ કર્યો હતો. સાથે જ ફાયર વિભાગને ઘટનાની જાણ કરી હતી.
ફાયર વિભાગે સ્થળ પર પહોંચી આગ પર કાબૂ મેળવ્યો
જાણ મળતાં ફાયર વિભાગની ટીમ ઘટનાસ્થળે પહોંચી હતી અને આગ પર કાબૂ મેળવ્યો હતો. ટીમે દુકાનમાં તપાસ કરી ફરી આગ ન લાગે તે માટે જરૂરી તકેદારી રાખી હતી.
અંદાજે ₹7 હજારનું નુકસાન
આગને કારણે મોબાઈલની દુકાનમાં અંદાજે ₹7 હજારનું નુકસાન થયું હતું. સદનસીબે આ ઘટનામાં કોઈ જાનહાનિ થઈ નહોતી.
હજુ કોઈ કોમેન્ટ નથી. પ્રથમ કોમેન્ટ કરો.