રંગબેરંગી પરિધાન અને ગરબાના તાલ સાથે ખેલૈયાઓમાં ઉત્સાહ; નવ દિવસના આયોજનોની તૈયારીઓ પૂરજોશમાં
ડીસા, બનાસકાંઠા: નવરાત્રીના પર્વને હવે ગણતરીના દિવસો બાકી રહ્યા છે ત્યારે ડીસા શહેરમાં અત્યારથી જ ગરબાનો માહોલ જામવા લાગ્યો છે. શહેરના વિવિધ વિસ્તારોમાં પ્રિ-નવરાત્રી કાર્યક્રમો અને ગરબા રાસની તૈયારીઓ સાથે તહેવારની રોનક જોવા મળી રહી છે.
યુવાનો સહિત નાના-મોટા સૌમાં નવરાત્રીને લઈને ઉત્સાહ છવાયો છે. રંગબેરંગી પરિધાન, ગરબાના તાલ અને સંગીતના સથવારે ડીસા ધીમે ધીમે નવરાત્રીના રંગમાં રંગાઈ રહ્યું છે. પ્રિ-નવરાત્રીના કાર્યક્રમોએ પર્વ પહેલાં જ ખેલૈયાઓમાં ઉત્સાહ વધાર્યો છે.
નવરાત્રીના નવ દિવસ દરમિયાન યોજાનારા વિવિધ ગરબા આયોજનોને લઈને પણ તૈયારીઓ પૂરજોશમાં ચાલી રહી છે. મા અંબાની આરાધના સાથે ગરબે ઘૂમવા માટે ખેલૈયાઓ આતુરતાથી રાહ જોઈ રહ્યા છે.
પ્રિ-નવરાત્રીની ઉજવણીથી શહેરમાં તહેવારની ખુશીઓનો માહોલ વધુ ગાઢ બન્યો છે. મા અંબાના આગમન પહેલાં જ ડીસામાં જામેલી ગરબાની રમઝટ નવરાત્રીના ઉત્સાહની ઝલક આપી રહી છે.
વધુ સમાચાર અને અપડેટ માટે સેન્ટ્રલ ભારત ન્યુઝને Instagram, YouTube અને Facebook પર ફોલો કરો. અમારી "WhatsApp ચેનલ સાથે જોડાઓ" (https://whatsapp.com/channel/0029Va641RAEKyZBhlqMXC3U).
હજુ કોઈ કોમેન્ટ નથી. પ્રથમ કોમેન્ટ કરો.